Tuesday, December 18, 2007

കര്‍മകാണ്ഡം

കാവ്യവര്‍ണ്ണങ്ങള്‍ ചാലിച്ച്, മനസ്സാം താളില്‍,
വരച്ചെടുത്തോരെന്നിലെ ഭാവനയെ,
കൂമ്പിയ മിഴികളും, തൊഴുകൈപ്രാര്‍ത്ഥനയുമോടെ,
നെഞ്ചിലെ തുടിപ്പേകി സുഭഗമാക്കി...

സ്നേഹത്തിന്‍ ശ്രുതിചേര്‍ത്ത തംബുരു-
തന്ത്രികളില്‍ മീട്ടും സ്വരരാഗത്തെ; മമ
ഹൃദയതാളത്തിന്‍ അനന്യമാം ലയത്തില്‍,
വാഗ് ദേവിയരുളിയ വരങ്ങളാക്കി...

എങ്കിലും, ആത്മഹര്‍ഷാതിരേകത്താല്‍,
സ്നേഹപര്‍വ്വത്തിന്‍ വരികളിലായി,
വര്‍ണ്ണാക്ഷരങ്ങളാല്‍ കൊളുത്തിയ ദീപങ്ങള്‍,
മന്ദസമീരനാലും അണഞ്ഞിടുന്നോ...?

എന്റെ ജന്മാന്തരങ്ങള്‍ തന്‍ സീമന്തരേഖയില്‍,
സിന്ദൂരം സന്ധ്യയായ് പടരുന്നുവോ...?
ദേവശിലകളാല്‍ തീര്‍ത്തൊരെന്‍ മോഹങ്ങള്‍,
കാലതപത്താലിന്നുരുകുന്നുവോ...?

അറിയില്ലെനിക്കൊന്നും; ലോകതത്വങ്ങളും,
കാലചക്രത്തിന്‍ നൂതനനീതികളും; പക്ഷേ,
മനസ്സാക്ഷിയെന്നോടു മൃദുവായി മന്ത്രിച്ചു..
“കര്‍മ്മണ്യേ വാ’ധികാരസ്തേ, മാ’ഫലേഷു കദാചന:“

10 comments:

നവരുചിയന്‍ said...

കവിത ഇഷ്ടമായി .. കുറച്ചു അധികം സംശയങ്ങള്‍ ഉണ്ടല്ലോ .. അവസാനത്തെ വരി ഒന്നു മനസിലാക്കി തരാമോ. സംസ്കൃതം വലിയ പിടിയില്ല

സതീര്‍ത്ഥ്യന്‍ said...

അവസാന വരിയുടെ അര്‍ത്ഥം ഇങ്ങനെ...
ഫലം ഇച്ഛിക്കാതെ ചെയ്യുന്ന കര്‍മ്മമാണ് ഏറ്റവും ഉത്കൃഷ്ടം... :-)

ഹരിശ്രീ said...

നന്നായിട്ടുണ്ട് ഭായ്

ഉപാസന | Upasana said...

എന്റെ ജന്മാന്തരങ്ങള്‍ തന്‍ സീമന്തരേഖയില്‍,
സിന്ദൂരം സന്ധ്യയായ് പടരുന്നുവോ...?
ദേവശിലകളാല്‍ തീര്‍ത്തൊരെന്‍ മോഹങ്ങള്‍,
കാലതപത്താലിന്നുരുകുന്നുവോ...?

നമ്പ്യാരെ, നന്നായിട്ട്ണ്ട്ട്ടാ
:)
ഉപാസന

പ്രിയ ഉണ്ണികൃഷ്ണന്‍ said...

ശക്തമായ വരികളില്‍ ലാളിത്യവും...

വളരെ നാളുകള്‍ക്കുശെഷം ഒരു നല്ല കവിത വായിക്കന്‍ കിട്ടി.

അവസാന വരികള്‍ ഏറെ ഇഷ്ടപ്പെട്ടു.

ആശംസകള്‍

പ്രയാസി said...

ഫലം ഇച്ഛിക്കാതെ ചെയ്യുന്ന കര്‍മ്മമാണ് ഏറ്റവും ഉത്കൃഷ്ടം... :-)

ദ്രൗപദി said...

സതീര്‍ത്ഥ്യാ..
കവിത ഇഷ്ടമായി
പദ്യത്തിന്റെ
ഒഴുക്ക്‌
പറയാനുദ്ദേശിച്ചത്‌ ചോര്‍ന്നുപോവാതെ ജ്വലിപ്പിച്ചിരിക്കുന്നു

ആശംസകള്‍..
ഭാവുകങ്ങള്‍..

വാല്‍മീകി said...

വളരെ നല്ല വരികള്‍.

സതീര്‍ത്ഥ്യന്‍ said...

ഹരിശ്രീ
ഉപാസന
പ്രിയ
പ്രയാസി
ദ്രൌപദി
വാല്‍മീകി...
വായിച്ചു പ്രോത്സാഹിപ്പിക്കുന്നതിനു ഹൃദയം നിറഞ്ഞ നന്ദി...

മന്‍സുര്‍ said...

dear dosth...

i was little bc in my work...

continue posting....i will be here

happy new year